"Ouderdom is nie net verval nie: dit is die rypwording,
die swelling van die vars lewe binne, wat die dop laat verwelk en bars"
George Macdonald
HOOPSTAD SENTRUM VIR BEJAARDES
Hoopstad Sentrum vir Bejaardes bied uitstekende geriewe en dienste vir bejaardes in `n pragtige plattelandse dorpie. Ons bied `n veilige hawe vir ons bejaarde inwoners met pragtige tuine en twee diere kampe waar daar heerlik onder die bome gekuier kan word en na die sonsondergang gekyk word.
Hoopstad se boeregemeenskap is baie betrokke by ons bejaarde inwoners en die program wat deur die jaar aangebied word belowe om baie pret te besorg.
Die dorp is aanvanklik Hauptstad genoem na die dorp se landmeter, 'n mnr Haupt. Met 'n bietjie vertaling in Afrikaans het die dorp sy hedendaagse naam Hoopstad aangeneem.
AKKOMMODASIE
Selfsorg
woonstelle
Ons het 45 woonstelle wat te huur beskikbaar is. Dis ideaal vir persone wat sonder enige bystand, onafhanklik kan lewe. Opsies sluit die volgende in:
• Bachelors woonstel
Oopplan vertrek met en-suite badkamer en ‘n tuintjie beskikbaar vir tuinmaak
• Eenslaapkamer woonstel
Aparte slaapkamer met en suite-badkamer plus woon- en kombuisarea en ‘n tuintjie beskikbaar vir tuinmaak.
Kamers met
Versorgingsdienste
Hoopstad Sentrum vir Bejaardes het 9 semi-versorgingskamers. Hierdie kamers is ideaal vir mense wat op hul eie kan woon, maar soms een of ander vorm van bystand benodig. Dit sluit onder meer in hulp met klere aantrek, toediening van medikasie of bystand in die badkamer.
Vol-versorging kamers
Ons bied ook 27 vol-versorging kamers waar alle maaltye en verswakte sorg met deernis en respek aangebied word. Hierdie kamers is perfek vir mense wie bedlêend of rolstoelgebonde is. Ons opgeleide personeel help met die was en voeding van verswakte bejaarde inwoners.
Ons versorging is persoon gesentreerd waar elke inwoner ‘n spesiale versorgings plan het spesiaal vir hulle behoeftes.
Nuwe Hoop Demensie Eenheid
Ons bied `n huislike atmosfeer aan vir ons persone met Demensie. Heerlike aktiwiteite en stimulering word deur `n voltydse Arbeidsterapeut aangebied en `n opgeleide span versorgers. Alle behoeftes word na gekyk en vorm deel van die sorgplan per individu.
DIENSTE
Hoopstad Sentrum vir Bejaardes het die volgende dienste beskikbaar:
- Heerlike gekookte maaltye elke middag
- Siekeboeg geniet drie heerlike etes per dag
- Tuindienste
- 24 uur versorging en beskikbaarheid van opgeleide verpleegkundiges asook versorgers
- Gespesialiseerde Demensie Eenheid met Arbeidsterapeut
- Medikasie hantering en toediening soos deur die dokter voorgeskryf
- Wasgoed word een keer per week gewas
- Siekeboeg kamers word daagliks skoongemaak asook wasgoed word daagliks gewas
- Noodknoppie en interkomstelsel vir veiligheid
- Direkte kerkuitsending van die NG Kerk Hoopstad op Sondae en spesiale dae
- Weeklikse Biduur wat by die Tehuis deur die predikante aangebied word
- Aktiwiteitsprogram uitgewerk deur Arbeidsterapeut vir woonstel inwoners
- Haarsalon besikbaar
- Biblioteek op die perseel
- Brei en Hekel groepie
- Voetekliniek wat aangebied word elke 2 maande
- Weeklikse inkopies word gedoen vir inwoners of inwoners kan saamry dorp toe om eie inkopies te doen
Kontak ons gerus vir meer inligting: